وہی جواں ہے قبیلے کی آنکھ کا تارا                     شباب جس کا ہے داغ ،ضرب ہے کاری    

جبکہ افسوس کا مقام ہے یہ آج کا مُسلم نوجوان اپنے مقصد تخلیق کو پس پشت ڈال کر گناہوں کی دلدل میں دھنس چکا ہے، نوجوانوں کے سیرت و کردار میں اسلامی تشخص عمومادور دور تک نظر نہیں آتا،اسلاف سے ورثہ میں ملنے والی اقدار و روایات سے نا آشنائی کے آثار ہرنوجوان میںدیکھے جا رہے ہیں،نظام عبادات سے عملاً تعلق کمزور سے کمزورتر ہو رہا ہے، جوانوں میں وقت کا ضیاع بہترین مشغلہ اور منشیات کے استعمال کا رواج بہت ہی عام ہوتا جا رہا ہے۔مغرب کے تہذیبی اثرات کے باعث ہر سُو عالم مغرب کی پیروی میں سبقت لے جانے کی کوشش زور و شور سے جاری ہے، فحاشی و عریانی اوڑھنا بچھونا بن چکی ہے ،الغرض چارسُو مایوسی ہی مایوسی دکھائی دیتی ہے ۔ الغرض جوانان اُمت کے مقصد حیات ، معمولات شب و روز،فکر و شعور،تعلّم و تعلیم حیات و طرز معاش یکسر بدل گئے ہیں یہاں سوا ل یہ پیدا ہوتا ہے کہ آخر نوجوانوں کی مذہبیو اخلاقی،سیاسی و تربیتی،علمی و سماجی زوال کا اَساسی محرک کیا ہے؟ حکیم الامت ڈاکٹر محمد اقبالؒ نے اِسی مرض کی جانب اشارہ کرتے ہوئے کہا تھا:

     ہوئی نہ زاغ میں پیدا بُلند پروازی                     خراب کر گئی شاہیں بچے کوصُحبت زاغ    

لہٰذا آج کے نوجوان کی علمی و فکری راہنمائی،اخلاقی و روحانی تربیت اور اصلاح احوال کے لیے حضرت قدوة الاولیاءسید شہسوار شمس غوثؒ ، امام العارفین حضرت پیرسید خورشید الحسن شاہ گیلانی اور پیر سید مظہر الحسن چن پیررحمہ اللہ علیہم اجمعین کے افکار و تعلیمات کی روشنی میں جناب سید اظہر الحسن گیلانی نے خورشیداسلام یوتھ ونگ خانقاہِ عالیہ کُلّی شریف نارووال کی بنیاد رکھی، جس کے اغراض مقاصد درج ذیل ہیں۔

     تیرے دریا میں طوفاں کیوں نہیں ہے؟                     خودی تیری مسلماں کیوں نہیں ہے؟    

     عبث ہے شکوہ تقدیرِیزداں                     تُو خود تقدیرِیزداں کیوں نہیں ہے؟